الخميس، 19 مايو، 2011

الثورة والكابوس ..





حتى لا تتحول الثورة المصرية إلى كابوس مرعب يُديره الإسلاميون،


لا يصح تجاوز الأحداث التي كانت و مازالت تحدث ضد المسيحيين المصريين ، مع وجوب الامتناع عن صرف النظر عن الحقائق الماثلة على الأرض في ثقافة المصريين الوهابية ، إلى الأيادي الخفية، بغرض عدم المُعالجة السليمة و عدم الرغبة في هذه المٌعالجة، بإحالتها إلى الأيدي الخفية، و مادامت خفية فمن الصعب تحديدها لإيقاف عملها ، و يظل الوضع كما هو عليه، و تظل الألغام مدفونة لتنفجر في وجوهنا كل يوم.

في الأحداث الأخيرة بقرية إطفيح مركز صول بشرقي النيل، حدثت حالة حب بين شاب مسيحي و شابة مسلمة، و هو شأن طبيعي فالحب لا يعرف الأديان و العناصر، فهو حالة وجدانية خاصة بين طرفين بالتراضي بينهما، لكنه في بلادنا يكون كارثة كونية تقوم بسببها الحروب و تٌحرًق البلاد، فليس لدى المسلم مانعا من ركوب مسلم لمسيحية بحسبانها سبية،

و لأن الإسلام هو الدين الأعلى ، يعلو و لا يُعلى عليه ،فهو يركب ولا يُركب ، و هي ثقافة الفاتح الغازي الذي يستولي على بلاد بكاملها بما عليها، و يحول أهلها إما أتباعا له يعتنقون عقيدته و لا يرتقوا بذلك لمستواه إنما يظلوا موالي، أي درجة من العبودية بين الأحرار وبين العبودية الكاملة، و إما عبيدا بالمعنى الكامل في حال بقائهم على دينهم و ثقافتهم المحلية الوطنية، و تكون أموالهم و أعراضهم عُرضة طوال الوقت للاغتصاب بالحكم الشرعي

و لعل شر أنواع الاستعمار طرا هو الاحتلال الاستيطاني الذي يُوًطن الغزاة سادة و يجعل المواطنين الأُصلاء عبيدا و يمحو ثقافة هذا الوطن بالتمام و يقضي على لٌغًته الوعاء الثقافي الحامل لتاريخه، و يستبدله بثقافة المستعمر لتُصبح ثقافة للوطن، ليُصبح الاستعمار ليس فقط للأرض أو الناس إنما يصل إلى الروح، و ما أبشع الاستعمار الروحي للشعوب بين كل أنواع الاستعمار

و في أحداث إطفيح جلس العقلاء من قسوس و كبار القرية لحل المشكلة ، و انتهت بتطبيق قانون الإذلال للأقلية، بنفي الشاب و أسرته من القرية و إعلان بيع بيتهم لمن يُريد، لكن المتشددين من أهل القرية رأوا أن ذلك أمر لم يرد بالشريعة الإسلامية، فقاموا بقتل و تصفية عناصر الجريمة بما فيهم أب الفتاة الذي وافق على هذا الاتفاق الغير شرعي، و قاموا بتطبيق الشرع بهدم الكنيسة و مطاردة ستة اّلاف أسرة مسيحية و نهب بيوتهم و إخراجهم من القرية بعد الاعتداء الوحشي عليهم

و رغم ما يعلمه المصريون عن أن هذا الشق من الوطن شرقي النيل يتعيش معظمه على تجارة المُخدرات تهريبا و توزيعا، فمن الغريب أن يقوم هؤلاء بتطبيق الشريعة الإسلامية على المسيحيين من مواطنيهم، ربما لأن المخدرات لا يوجد بشأنها تجريم في الشريعة كتحريم الخمر و الخنزير، و هي بذلك ليست مطعنا في صدق الإيمان ، و للحق فإن هدم الكنيسة حسب الشريعة عو أمر سليم مئة بالمئة حسب الوثيقة العُمَرية الشهيرة، بهدم ما يُستحدًث من كنائس و عدم تجديد القديم منها حتى يتهاوى و يزول مع الأيام ، لكن أهل إطفيح المسلمين الخلصاء رأوا أن يُقدموا للشريعة فضلا زائدا بعمل لم تُقٍره الشريعة و هو إخلاء القرية من المسيحيين، لأن هذا الأمر خاص فقط بجزيرة العرب و لا يسري على الأقطار المفتوحة، و بذلك أصبح تُجار المُخدرات يُشرعون للإسلام المزيد من الفضائل ، كالذين شرعوا النقاب كفضل زائد زايدوا به على الحجاب

أذكر هنا الثورة العارمة التي قامت بسبب رد الأنبا بيشوي على تحريض قناة الجزيرة و أحمد منصور و سليم العوا ضد المسيحيين و اتهامهم باستيراد أسلحة من إسرائيل و تكديسها بالأديرة، و هي التي لم نراها مرة واحدة و لو في حالة دفاع عن النفس بالكنائس التي تُحرًق و الأديرة التي تُهدًم. و من وجهة نظري فإن الأنبا بيشوي قد أخطأ في قوله مرتين، مرة عندما قال أن المسلمين المصريين هم ضيوف على المسيحيين المصريين، و مرة عندما تساءل عن اّية قتال أهل الكتاب هل كانت ضمن القراّن أم أُضيفت إليه

الخطأ الأول ، أنه إذا كان يقصد بالمسلمين الضيوف المُسلمين الفاتحين لمصر، فهو فادح الخطيئة، لأنهم لم يكونوا ضيوفا إنما كانوا غزوا عسكريا استيطانيا لم يتم بالمُطلق على دعوة من أقباط مصر كما يزعم المُفلسفون المسلمون، لأن قصة الفتح معروفة عن رغبة عمرو بن العاص فيها باعتبارها منجم و كنز مطلوب ، و عدم رغبة الخليفة عمر و كيف أخفى خطاب الخليفة حتى جاوز العريش ليفتحه و يُعلنه لجيشه و يدخل مصر غازيا. و إذا كان الأب بيشوي يقصد بالضيوف المسلمين الحاليين فهو خطأ لا يقل فداحة ، لأن هؤلاء مصريين تاريخيا سواء كانوا مسيحيين تأسلموا ، أو عرب غُزاة تمًصروا منذ ألف و اربعمائة عام

الخطأ الثاني أن الأب بيشوي تصور أنه مادام ممكنا أن يسمع يوميا عبر ميكروفونات المساجد التأكيد بالقراّن و الحديث أن تحريفا ما حصل بالإنجيل، أنه يجوز له أن يقول نفس الشئ بالنسبة للقراّن من باب تحسين الوضع لتبرئة القراّن من تهمة أن الله قادر على حفظ بعض كلامه(القراّن) و غير قادر على حفظ بعض كلامه (الإنجيل) ، لأنه نسي أنه من العبيد و أن تطاوله على قدس أقداس السادة هو الطريق إلى مجزرة دموية ضد العبيد . و أن عليه الاعتراف بتهمة تحريف الإنجيل، و كمال و صوابية القراّن، و هو ما يعني أن يُعلن إسلامه و إن ظل مسيحيا، بإعلان سلامة القراّن و اعتلال سلامة الإنجيل. الطريف في أمر الأنبا بيشوي أنه عندما تحدث صاحب هذا القلم عن وجوب الصدق مع أنفسنا وتسمية الأحداث بأسمائها الحقيقية وأن الفتح العربي كان غزوا استيطانيا ،

وذلك منذ عدة سنوات عندما كان هو وامثاله صُم بُكم لايحيرون قولا ، تطوع نيافته للرد على ما كتبت بحسبانه بوابة للفتنة !!!

أُسكت يا صاحب النيافة لأنك تتورط فيما لاتفهم وتورط الوطن في مصائب عبرت عنها المسيرات السلفية الألفية بالإسكندرية قبل الثورة بأسابيع ..ومن بيشوي إلى الإخوان و أذرعهم الضاربة سواء في جماعات متعددة الأسماء أو الأزهر أو دار الإفتاء احزن ياوطني ، فكلهم يُجمعون على التبعية لثقافة الفاتح التي تُقسم الناس إلى سادة و عبيد بنصوص مقدسة و أحاديث و تشريعات و أبواب طوال في فقهنا، بإصرارهم على عدم المساس بالمادة الثانية بالدستور.مع تأكيدهم أن الدين الإسلامي هو دين الحرية القائمة على المساواة بين الناس بالعدل حقوقا و واجبات،

دون أن يُشيروا إلينا أين نجد هذه النصوص المُقدسة، فأي دين إسلاما كان أم دين اّخر، لا يساوي بين المؤمنين به و بين أصحاب الأديان الأخرى، و أن كل دين من الأديان الثلاثة يقسم ويمايز في داخله و يميز بين أتباعه، و كلها تعترف و تُقر و تٌقنن للقانون القديم اللإنساني بأن داخلها سادة و عبيد لا يتساويان أمام الشرائع الأرضية، و المساواة مؤجلة إلى ما بعد البعث في جميعها،

بل أن بعض هذه الأديان يجعل المساواة بعد البعث شبه مستحيلة، فهناك فرق بين من رزقه الله في الدنيا واغناه فتصدق و زكى فيكون له المكان الرفيع في عالم الخلد، و بين العبد الذي لا يملك ما يتصدق به و يُزكي، فهناك أيضا لا يستويان، كذلك الذكر و الأنثى في اّخرة الرحمن لا يستويان،

فمن حق الذكر ألوف الحور العين، و من حق الأنثى الصالحة أن تكون محظية ضمن محظيات الزوج السعيد

إن الإصرار على استدامة المادة الثانية بالدستور التي تُفرق بين المواطنين على أساس الدين، و ترفع شان طائفة من مواطنيها على شأن طائفة أخرى، و تدعم دينا من أديان مواطنيها ضد بقية الأديان، و لا تترك كل دين في الوطن يظهر بقوته الذاتية في منافسة متكافئة ،

هي مادة ضد كل معاني الحريات، و تغتال أساس معنى الحريات الديمقراطية التي لا تقوم إلا على المساواة المطلقة بين المواطنين ، حتى أن عقيدة خاصة لمواطن واحدة تستحق من الوطن كله الدفاع عنها و عنه.إن الإصرار على بقاء هذه المادة هو هدم لكل مطالب الثورة بالحريات،

و هدم لأساس أي دستور، و تكريس لعدم المساواة بين المواطنين الذي تنتفي معه فكرة المواطنة و الانتماء الوطني و تُغيب لصالح ثقافة الغازي المستوطن و العبد الوطني،

وفق القاعدة الأموية الخليفة ردا على الوالي الذي ذهب من مصر الى دمشق يرجو تخفيف الجباية بعد أن نهكت الرعية و أفلست ، أن هؤلاء ليسوا رعية و "إن هم إلا عبيدا لنا نزيد عليهم كيفما شئنا
بقيت كلمة بشأن ما يكشف الاّن داخل مقار أمن الدولة ، فقد تعرض صاحب هذا القلم لحملات منظمة ومسعورة وكاذبة وخسيسة و مكثفة طوال عمره ككاتب ،

وان الذين قادوا الحملة الأخيرة وهى اقساها جميعا هم السلفيون وموقعهم ( المصريون ) وهم الحلفاء الأول والشريك العلني دون حاجة لأي وثائق لأمن الدولة الراحل ، و كان مفترضا أن أفعل فعل مجدي الجلاد لأقدم بلاغا للنائب العام ليكشف عن هذا التنظيم المحكم لاغتيالي أدبيا و جماهيريا،وتشويه سمعتي وتبخيسي بالكذب الصريح وانعدام أي حس أو ضمير ،

لكني أرى أن هذا الشأن هين بجوار قضايا وطن حزين يستكشف كل يوم حجم ما تعرض له من إهدار و انتهاك ما خطر على قلب بشر، لذلك لا أريد أن أشغل جهاز النيابة بهذه الشئون الشخصية و هو ما أطلبه من الاّخرين مثلي ، خاصة أن الجلاد نفسه لم يكن بريئا ولا بعيدا عن هذه الحملات المنظمة ضد أبرياء مثلي

أيضا أطلب من الجهات الحقوقية و منظمات حقوق الإنسان أن تتذكر الاّن دماء الراحل ممجدا فرج فودة و المطالبة بوضع عناصر جبهة علماء الأزهر الذين حرصوا على قتلٍه بفتاوى علنية وراء القضبان و محاسبتهم، حتى يرى المصريون أن العمامة الأزهرية ليست حصانة للقتلة و المجرمين، و أن يد القانون تطال الجميع دون تفرقة بسبب دين أو عمامة أو منصب أو جاه أو عنصر أو جنس. وأنه قد آن الأوان أن يوضع اسمه على شارع رئيسي عرفانا لضريبة الدم التي دفعها من أجل وطنه
برقية

على المعترضين على تعديل الدستور بغرض وضع دستور جديد ألا يدعوا لمقاطعة التصويت بل أن يصروا على الحشد والذهاب للتصويت بالرفض، لان المقاطعة للاستفتاء ستصب في مصلحة التعديل الذي يُراد به الالتفاف على أهداف الثورة . اوان يعملوا على جمع كل القوى المعارضة للتعديل معاً لإسقاط تعديل الدستور ووضع دستور جديد يقوم على الشرعية الثورية

مدونة دكتور سيد القمنى.. هنا

هناك 19 تعليقًا:

Ramy يقول...

مش لاقى تعليق يا فينوس

بجد

بعد كل الكلام ده

Ramy يقول...

عارفة يا فينوس

ان دى رحمة من عند ربنا ان الأيادى الخفية مبتحرقش و تهدم غير كنايس

عارفة ليه لأن لو جامع واحد حاصلة اللى حصل لأى كنيسة مكنش الموضوع هيعدى كدة

كانت هتكون مذابح حقيقية

علشان تعرفى أن ربنا رؤوف بينا برضه

مهما كان

givara يقول...

بصى بقى ياستى الرد ده ما هو الا فضفضه من اخ مسلم لأخت مسيحيه
يعنى تقدرى تقولى دردشه وفى الاخر برده شئت انا او ابيت وشئت انتى او ابيتى احنا اخوات
بحكم الارض والدم والتاريخ

نخش بقى على الدردشه وياريت تسامحينى لو هيحصل منى اى تجاوز لأنه والله غير مقصود
اولا :- انتى صنفتى كل المصريين اللى فى مصر على انهم اصحاب فكر وهابى مع ان فى مسلمين كتيييير مبيصلوش مثلا وبرده فيه مسلمين فى البطاقه بس بل ان من المسلمين من اللى بيجيبو الكلام للأسلام بسبب طريقة حياتهم وتفكيرهم وبرغم كده جيتى انتى وحكمتى على الجميع بأنه وهابى انا مش بقول ان الوهابيه حاجه وحشه احنا مش بصدد مناقشه الفكر الوهابى دلوقتى بس ازاى يعنى هيبقى كل المسلمين وهابيين !!!
حكم فى المطلق منكى واظن انكى فيه على خطأ اولستى معى؟؟؟
ثانيا:-
(في الأحداث الأخيرة بقرية إطفيح مركز صول بشرقي النيل، حدثت حالة حب بين شاب مسيحي و شابة مسلمة، و هو شأن طبيعي فالحب لا يعرف الأديان و العناصر، فهو حالة وجدانية خاصة بين طرفين بالتراضي بينهما، لكنه في بلادنا يكون كارثة كونية تقوم بسببها الحروب و تٌحرًق البلاد، فليس لدى المسلم مانعا من ركوب مسلم لمسيحية بحسبانها سبية،)
انتى قلتى ان الحب لا يعرف الاديان ارد عليكى انا واقولك كلامك غلط ليه غلط
لأن فى الأصل اذا اردنا ان نحيا بجوار بعضنا البعض فلزما علينا احترام فكر وعقيدة الاخر
صح ولا غلط؟
يعنى انا مينفعش اقول ان الدين المسيحى والمسيحين دول عالم وحشين وانتى برده مينفعش تقولى كده
متقوليش دلوقتى فى مسلمين بيقولو فعلا على المسيحيين وبيشتموهم لأن انا هرد عليكى وهقولك برده فى مسيحين بيشتمو الاسلام مش كده برده ولا ايه
تعالى نرجع لعقيدة كل منا المسيحيه قالت الله محبه والاسلام قال لكم دينكم ولى دين
يبقى واجب عليكى كمسيحيه مخلصه احترام عقيدة الاسلام وبرده ده واجب عليا اظن الكلام ده صح وخدى بالك انا بقول بظن يعنى لو انتى شايفاه غلط قولى انه غلط
طب نفترض انه صح حاليا حتى تقولى عكس ذلك
فى الاسلام محرم شرعا وبنص قرأنى زواج المسلمه من اى احد غير مسلم كما ان الاسلام احل زواج المسلم من الكتابيه اللى هيا المسيحيه واليهوديه
طيب ده نص فى القرأن واحنا اتفقنا فوق اننا نحترم عقيدة بعضنا ومنكدبش بعض يعنى لو كان فى نص فى الانجيل يحرم زواج المسيحيه من غير المسيحى يبقى واجب عليا قبلك احترام النص ده والوقوف جنبك اذا حاول احد مجابهة ذلك النص
وعلى فكره انا عارف وقارى ومتأكد ان مفيش فى المسيحيه ما يحرم ذلك
احنا مش بصدد مناقشة ليه الاسلام حرم وليه المسيحيه محرمتش احنا بنتكلم على احترام نصوص وعقيده سواء كانت اسلاميه او مسيحيه ولابد من الحفاظ عليها
يبقى كلامك اللى هو بيقول ان الحب ميعرفش اديان ده كلام غلط لأن الموضوع متعلق بالدين اهو
البقيه فى رد اخر

givara يقول...

نخش بقى على ثالثا:-
و لأن الإسلام هو الدين الأعلى ، يعلو و لا يُعلى عليه ،فهو يركب ولا يُركب ، و هي ثقافة الفاتح الغازي الذي يستولي على بلاد بكاملها بما عليها، و يحول أهلها إما أتباعا له يعتنقون عقيدته و لا يرتقوا بذلك لمستواه إنما يظلوا موالي، أي درجة من العبودية بين الأحرار وبين العبودية الكاملة، و إما عبيدا بالمعنى الكامل في حال بقائهم على دينهم و ثقافتهم المحلية الوطنية، و تكون أموالهم و أعراضهم عُرضة طوال الوقت للاغتصاب بالحكم الشرعي
الكلام ده غلط شكلا ونصا وموضوعا ومن غير زعل هقولك ليه
انا مش هقولك ان الاسلام اعلى لأنه دين حق وغير محرف كما الانجيل لا فكما قلت ليس من حقى تشويه دين كتابى فلقد قال المولى عز وجل فى القران لكم دينكم ولى دين
انا هقولك ان الاسلام هو الدين الاعلى لأنه دين الأغلبيه عشان كده هو الأعلى دى مش كفايه ومش مقنعه
وبرده هقولك ان بلاش لما نتكلم على دين يعتنقه فئة ما نتكلم عليه باللهجه دى (فهو يركب ولا يُركب)
اظن ان الجمله دى عيب وانتى تزعلى لو انا قلتها على المسيحيه او اتكلمت بنفس ذاك الاسلوب
وايه موضوع ثقافة الفاتح الغازى دى
انتى حسستينى ان المسلمين دول تتار
عموما ولا يهمك افهمك انا بقى الصح
عقيدة الاسلام فيها ركن اساسى وهو الدعوه ونشر الأسلام يعنى ايه
يعنى ان الاسلام بيقول ان لو فى واحد فى مكان ما معرفش حاجه عن الاسلام فسيتم محاسبة المسلم يوم القيامه بسبب تقصيره فى هذا الذى لم يعرف الاسلام
يبقى المسلم واجب عليه نشر الاسلام وبرده المسيحى واجب عليه نشر المسيحيه والتبشير اللى بيحصل فى افريقيا خير مثال كل واحد من حقه ينشر دينه بس بالحسنى
وده اللى الاسلام عمله وهقولك ازاى
المسلمين لما فتحو مصر كان المسيحين بيتعاملو ابشع معامله واقرى فى التاريخ هروب القساوسه والرهبان الى الصحراء بسبب الأضطهاد
المذابح اللى عملها الرومان للمسيحين حتى ان فى سنه سميت فى التاريخ المسيحى بعام الشهداء وهناك من قال عنها عام الدم من كثرة ما لاقاه المسيحين من سفك للدماء
جه الاسلام ودخل مصر لم يجبر احد على ترك دينه بل امن الأديره والكنائس والأرواح وقام بشق الترع وبناء الكبارى واذدهرت الزراعه ازدهار لم تشهده قبل ذلك وحينما قام بن سيدنا عمر بن العاص بصفع احد المسيحين على وجهه وقام المسيحى بالشكوى الى سيدنا عمر بن الخطاب اتى بن الخطاب بابن عمرو العاص واجبر المسيحى بصفعه كما صفع واخذ حقه
فين بقى الاحتلال والاستيطان والكلام الكبير اللى يودى فى داهيه ده
حاجه كمان
موضوع الجزيه اللى انتو بتقولو عليها ساعات انها اتاوه او فرده يعنى ونظام بلطجه انا اقدر اقولك ان كلامك ده منتهى الغلط وهقولك ليه
المسلم بيدفع زكاة المال حوالى اتنين ونص فى الميه تمام كده ؟؟؟ الاتنين ونص فى الميه دول بيتعمل بيهم كل حاجه شق ترع بناء كبارى مرتبات موظفين تسليح جيش كل حاجه الدوله عايزاها ميزانيه للدوله يعنى وزى المسلم مبيستفاد من الترع والكبارى والميزانيه دى المسيحى برده بيستفاد
وبرغم من ان المسلم بيدفع زكاته السنويه الا انه مجبر حينها انه يدخل الجيش يعنى ببساطه لو فى واحد مسلم غنى جدا هتلاقيه بيدفع مثلا الف دينار زكاة مال ولو فى مسيحى اغنى من المسلم ميت مره مش هيدفع الا الجزيه ومش هيخش الجيش انتى عارفه بقى الجزيه كان مقدارها كام اقولك انا مقدارها واحد دينار دينار واحد شوفتى بقى
المسلم المستعمر اللى مفروض ينهب كل خيرات البلد زى ما انتى قلتى يدفع الف دينار والمسيحى دينار واحد
طب والله لو ده استعمار ياريت كل البلاد تستعمر
طب السؤال هنا ليه المسيحى بيدفع دينار الجواب عشان الخدمات اللى فى البلد واللى بيستفاد منها وعشان مبيشاركش فى الجيش وكنايسه بتؤمن طب ليه مبيشاركش فى الجيش عشان الجيش الاسلامى حينها لم يكن للدفاع فقط بل كان من اجل نشر الأسلام شايف عينك لمعت وبتقولى اهو غلط وقال ان الاسلام كان بينشر بالجيش والقوه هقولك انا بالراحه عليا الجيش مكنش بيروح البلد اللى مفروض تتفتح الا لما ملكها يمنع النشر بالحسنى الحبشه كانت تدين بالمسيحيه ولم يفكر المسلمين فى دخولها وذلك لأن النجاشى ملك الحبشه فتح ابوابها لدعاة المسلمين اما اذا قام الملك الملك بمنع الدعاه يروح المسلمين بجيشهم يخشو البلد وكان الدخول بيبقى بمعايير وقوانين حازمه من الرسول اهمها
اوصيكم بأهل الكتاب اياكم والعجوز والمرأه والطفل اياكم وخلع شجره فكان المسلمين يخشو وفق المعايير دى
ولو الملك سلمها من غير قتال لا يرفع سيف واحد يدخل المسلمين ثم يخرجو تاركين دعاتهم معمرين البلد منتظرين الجزيه التى شرحتها لكى سابقا
وعلى فكره كان ملك البلد يظل على ملكه دون خلع واتأكدى من الموضوع ده بنفسك بقراية التاريخ
فين بقى العبوديه دى وايه موضوع الاغتصاب ده عيب يا فينوس الكلام الجامد ده
البقيه فى رد اخر

givara يقول...

نخش على رابعا:_
موضوع احداث اطفيح
قبل متكلم فى الموضوع ده هسألك كام سؤال كده
مفيش فى المسيحين ناس متزمته متشدده
طب مفيش فى المسيحين ناس اغبيا وغلط على طول الخط
اكيد فى ده بيبقى البيت واحد والتربيه واحده وبتلاقى اخ غير التانى
نخش على احداث اطفيح
الواد مسيحى حب بنت مسلمه وانا قلتلك فوق انه مينفعش يتجوزها يبقى المسلمين فى الحاله دى فى اطفيح يعنى هينقسمو لقسمين قسم كان تصرفه ورد فعله انه مينفعش الواد يحب البنت ولا يتجوزها وده الصنف العاقل ويحاول منع ذلك انصافا للدين
والصنف التانى اللى هو الجاهل اللى قال ازاى ده لازم الواد ده يموت ولازم ابوه مش عارف يحصله ايه
وهوب راحو رايحين وفى غفله من المسلمين العقلاء والامن ايضا تهدم الكنيسه
وبعدها اتلم العقلاء من المسيحين ومن المسلمين مش المسيحين بس زى ما انتى قلتى والدليل على كلامى ان معظم الدعاه المسلمين المؤثرين راحو هناك زى عمرو خالد ومحمد حسان وصفوت حجازى واتفقو ان اهل الواد يسيبو البلد خوفا عليهم وخوفا من مشاكل ممكن تحصل زى مثلا ييجى ولد مسلم ارعن ويضرب الولد المسيحى وتحصل مشكله تانيه خدى بالك الولد المسلم الارعن ممكن يكون قصاده ولد مسيحى ارعن برده ويعمل مشكله
انتى بقى خلتيهم ست الاف اسره مسيحيه سابو البلد وتم الاعتداء عليهم والله الكلام ده محصل واسألى اهل اطفيح المسيحين والكنيسه اللى اتهدت اتبنت فى ايام معدوده واللى بناها مسلمين واللى وقف حرسها مسلمين برده ليه احنا خليناهم ست الاف اسره سابو البلد وليه تم الاعتداء عليهم هما ست الاف اسره دول بيلعبو ولا عدد قليل
ده لو كلامك ده فيه شئ من الصحه كانت اطفيح دى فنيت عن بكرة ابيها لأن مفيش حد هيسيب بيته وبلده وحاله ومحتاله بكل سهوله كده ولا ايه دى كانت هتبقى مجزره يا فينوس طب احنا ليه مسمعناش عن اعداد قتلت فى اطفيح لو انتى سمعتى قولى
البقيه فى رد اخر

givara يقول...

نخش على خامسا:-
و رغم ما يعلمه المصريون عن أن هذا الشق من الوطن شرقي النيل يتعيش معظمه على تجارة المُخدرات تهريبا و توزيعا، فمن الغريب أن يقوم هؤلاء بتطبيق الشريعة الإسلامية على المسيحيين من مواطنيهم، ربما لأن المخدرات لا يوجد بشأنها تجريم في الشريعة كتحريم الخمر و الخنزير، و هي بذلك ليست مطعنا في صدق الإيمان ، و للحق فإن هدم الكنيسة حسب الشريعة عو أمر سليم مئة بالمئة حسب الوثيقة العُمَرية الشهيرة، بهدم ما يُستحدًث من كنائس و عدم تجديد القديم منها حتى يتهاوى و يزول مع الأيام ، لكن أهل إطفيح المسلمين الخلصاء رأوا أن يُقدموا للشريعة فضلا زائدا بعمل لم تُقٍره الشريعة و هو إخلاء القرية من المسيحيين، لأن هذا الأمر خاص فقط بجزيرة العرب و لا يسري على الأقطار المفتوحة، و بذلك أصبح تُجار المُخدرات يُشرعون للإسلام المزيد من الفضائل ، كالذين شرعوا النقاب كفضل زائد زايدوا به على الحجاب
ايه بقى الفقره دى منين انتى عرفتى ان المخدرات غير محرمه فى الاسلام مثل تحريم الخمر واكل الخنزير حد مسلم قالك كده يعنى ولا انتى قريتى ده ولا ايه
الاسلام حرم كل ما يغيب العقل ويضر بصحة الاسلام وبما ان المخدرات تفعل ذلك وذاك فهى محرمة بالقياس
ومين برده اللى قالك ان هدم كنيسه من الشريعه الأسلاميه هاتى من التاريخ حادثه واحده قام المسلمين فيها بهدم كنيسه وايه موضوع الوثيقه العمريه دى مين اللى قالك الكلام ده
مين قالك ان الوثيقه العمريه كانت من اجل عدم بناء الكنائس او ترميمها الوثيقه العمريه دى كان سببها شكوى المسيحين كن كثرة بناء معابد اليهود فتم ظهر تلك الوثيقه وسرعان ما الغيت
الرسول صلى الله عليه وسلم نهى وحرم تحريما شديدا المساس بدور عباده
القران نفسه كرم المسيحين وقال عنهم انهم الاقرب للمسلمين وان فيهم رهبانا وقساوس وهم لا يكذبون
فى ايه يا فينوس بالمنطق كده انتى عايزه تفهمينى ان مفيش كنيسه من ايام سيدنا عمر بن الخطاب وحتى الاحتلال الانجليزى لمصر لم تعمر ولم يبنى غيرها ازاى بس يا فينوس قولى كلام يخش العقل
وليه لهجة السخريه بتاعة اهل اطفيح المسلمين الخلصاء انهم رأو ان يزيدو على الشريعه وقامو بطرد اهل اطفيح المسيحيين يعنى انتى عايزه تفهمينى ان اطفيح مفيهاش مسيحى دلوقتى او على الاقل اطردو منها كلهم الى ان جاء الجيش ده كلام يخش العقل وازاى انتى تقولى ان تجار المخدرات هما اللى بيشرعو فى الاسلام
ده ينفع انتى ترضى على دينك انى ااقول حاجه زى كده ترضى انى اقول على البابا شنوده انه تاجر مخدرات
وللعلم ليس بينى وبين البابا شنوده اى شئ سوى توقيره وتقديره فأنا وكغيرى من المسلمين نحترم ذلك الرجل ونقدره ولا انسى وقفاته العظيمه التى منها وابسطها عدم ذهابه للحج فى فلسطين الى ان تحرر شوفتى بقى انى اجدع منك ازاى انا بقول على البابا شنوده انه راجل عظيم بل ان القران اللى هو عقيدة المسلمين قال على المسيحين انهم اقربائنا ومنهم قساوسه ورهبانا صادقين
انا عارف ان الانجيل والرهبان برئين من قولك ان المشرعين المسلمين تجار مخدرات وعارف ان دى غلطه منك وياريتها تكون غير مقصوده او على الاقل عرفت اوضحلك الصح
طب ايه علاقة النقاب والخمار بالموضوع اللى انتى بتتكلمى فيه هو ضرب وخلاص
اكلمك انا بقى على موضوع النقاب والخمار اللى انتى بتسخرى منه
الخمار فى الاسلام تم فرضه بنص قراءنى وتعريف الخمار هو ما يغطى الشعر ويغطى فتحة الصدر لدى المرأه
احنا اتفقنا فوق اننا نحترم عقائد بعض يعنى مثلا انا مينفعش اسخر من طريقة الصوم بتاعتك عيب ولا يجوز
نرجع لموضوع الخمار والخمار سبب فرضه هو ستر المرأه يحضرنى بيت شعر لهشام الجخ وهو بيقول
النسوان فـ بلادنا جواهر طب لو عندك حتة ماس هتخليها مداس للنايس ولا هتقفلى اوضه عليها بميت ترباس يمكن حتى تأجرى ليها جوزين حراس
ده الخمار يا فينوس وزى ما فى مسلمات كتير بشعرهم فى مسيحيات اكتر
حد جه فى مره وقالك لازم تلبسى خمار اظن محصلشى طب ايه رايك فى فرنسا لما منعت الخمار اهو المسلمين المستعمرين المغتصبين معملوهاش وفرنسا بلد النور والفن عملتها
اما موضوع النقاب فزيادة فضل زى ما انتى قلتى وبالرغم انك قلتيها بسخريه الا انى هفهمك يعنى ايه زيادة فضل
اتقال فى الأسلام انه اذا كانت المرأه جميله جمال يفتن وانها فى مجتمع فاسد لا تأمن على نفسها الفتنه او التحرش فلابد عليها من النقاب كزيادة فضل زى تلميذ مثلا الواجب اللى عليه انه يكتب القطعه مرتين اللى كتبها مرتين ده شاطر واللى كتبها تلاته ده شاطر اوى ده زيادة الفضل اللى انت سخرتى منهم وللعلم الخمار والنقاب مشرعهمش تجار المخدرات ده شرعهم القراءن نفسه
البقيه فى رد اخر

givara يقول...

نخش على سادسا :-
موضوع الانبا بيشوى وكلامه عن المسلمين الضيوف والخطاب الذى ارسله سيدنا عمر بن الخطاب واخفاء سيدنا عمرو بن العاص له
احنا متفقين انا وانتى على ما اظن ان الجواب كان مكتوب فيه انه اذا كان بن العاص لم يدخل حدود مصر فعليه ان لا يدخلها اما اذا كان قد دخل الحدود وسار فيها فعليه المضى
سيدنا عمر بن الخطاب حينما ارسل خطابه كان له تفكير ما ان فتح مصر لا يتم الأن ورغبة سيدنا عمرو بن العاص فى نشر الدعوه والفتح الأسلامى يليهم المجد الشخصى هو من جعله يخفى الخطاب انتى شايفه ان فى مشكله فى الموضوع ده شايفه ان فيه غلط لو فيه قولى وجهة نظرك
بالنسبه بقى لموضوع الضيوف دى اجيال يعنى انتو ضيوف على الرومان مثلا ولا بلاش الرومان المقدونيين طب الفراعنه طب ميمكن المسلمين الموجودين الان كانو مسيحين واسلمو ولا يمكن المسلمين الذكور تزوجو من اناث مسيحين وتناسلو انتى جيه النهارده بعد الف سنه او يزيد وتقولو ضيوف ازاى يعنى فى حاجه اسمها الطبوغرافيا طب تضمنى منين اصلا انك اصلك مصريه ميمكن كنتى من الهكسوس اللى كانو ايام احمس ودول من اسيا ولا يمكن اصلك يونانى من اللى جم ايام المقدونيين واللى بعدهم البيزنطيين ايه الكلام ده ده كلام مينفعش اصلا نضيع وقتنا فيه

سابعا :-
موضوع تحريف القران وان القران لم يحرف لأنه محفوظ من عند المولى لأنه كلام المولى اما الأنجيل اتحرف برده بالرغم من انه كلام المولى انتى بتسخرى هنا وسبب سخريتك لأنك ببساطه مش مدركه الموضوع كله وانا ان شاء الله هوصلك الموضوع بالكامل
بصى يا ستى
القرأن مقدس حرفيا ولفظيا يعنى مينفعش نشيل حرف او نزود حرف وذلك يرجع لأن سيدنا جبريل كان بيحفظ سيدنا محمد صلى الله عليه وسلم وقام الرسول بتحفيظه للصحابه وعندما شعر خليفة المسلمين بأن حفاظ القران يموتون مع الوقت قام بجمع كل الحفاظ وتدوين المصحف على ورق لأنه لم يكن يدون قبل ذلك
وعندما كثرت الفتوحات ودخل كثير من العجم فى الأسلام ظهرت القراءات وسبب ظهورها صعوبة نطق اللغه العربيه لدى العجم وعندما تتأملى فى القرأءات ستجدى انه لافرق الا فى التشكيل وطريقة القراءه نفسها
دليل اخر على الحفظ الحرفى للقران ان هناك احاديث قدسيه وبالرغم من انها كلام للمولى عز وجل ايضا الا انها لا تقدس تقديسا حرفيا
دليل اخر الايه القرأنيه التى نصها انا نحن نزلنا الذكر وانا له لحافظون خدى بالك احنا اتفقنا اننا نحترم عقائد بعض ومنكدبش بعض
طب نخش على الانجيل التقديس فيه تقديس فهمى وليس بلفظى يعنى ايه كان سيدنا المسيح بيفهم من سيدنا جبريل فيقعد وسط الحواريين ويقص عليهم كلام المولى بعد ذلك فيأت الحواريين ليكتب كل منهم ما فهمه بطريقته وبتعبيره ومن هنا تعددت الاناجيل كأنجيل لوقا ويوحنا وبرنابا الغير معترف به لديكم
يبقى ده الفرق بين التقديس فى الحالتين التقديس فى القران لفظى اما الانجيل فهو تقديس نصى
بالنسبه لموضوع الميكروفونات اللى شغاله عمال على بطال وبتقول ان الانجيل محرف لو فى عندكم نصوص انجليه بتقول ان القران محرف قولوها انا بشوف ناس مسيحين فى المواصلات بيترنمو ترانيم مسيحيه محدش منعهم ليه وازاى انتى زعلانه من الكبت وعدم المساواه وعايزه تحجرى علينا اننا نتلو قراننا وكمان انا مش بقرأ الانجيل انا بقرأ القران وانا لما بقرأ القرأن مش بحط جنبه انجيل يعنى انا برده بحترم انجيلكم بس بقرأ قرأنى ايه المشكله فى كده
يعنى انتى مش عايزانى اقرا القراءن
البقيه فى رد اخر

givara يقول...

ثامنا :-
موضوع الماده الثانيه بالدستور
ينفع انا اروح هولندا واقلهم بصو يارجاله احنا عايزين الاسلام يبقى المصدر الاساسى للتشريع هينفع الكلام ده
انتى ناسيه ان الاغلبيه فى مصر مسلمين طب قبل منتكلم فى الموضوع ده نفتكر نص الماده مع بعض
(الإسلام دين الدولة، واللغة العربية لغتها الرسمية، ومبادئ الشريعة الإسلامية المصدر الرئيسي للتشريع)
الاسلام دين الدوله عشان الاغلبيه مسلمين
اللغه العربيه هى الرسميه لأنك اصلا بتتكلمى بيها
مبادئ الشريعة الإسلامية المصدر الرئيسي للتشريع اتقال المصدر الرئيسى ومتقلش الوحيد
يعنى لو مفييش مساواه زى ما بتقولى كان اتقال ان الاسلام هو المصدر الوحيد ده قال الرئيسى يعنى ممكن تكون فى مصادر ثانيه
وبالرغم من ان الاسلام دين الدوله محدش منعك تكونى مسيحيه وبرده محدش جبرك تتكلمى العربيه
ايه موضوع عدم المساواه ده بقى
فى وزراء مسيحين واعضاء مجلس شعب مسيحين واعلاميين مسيحيين ووكلاء نيابه كذلك فين عدم المساواه بقى
وبرده الاحكام المدنيه الخاصه بالطلاق والزواج والمواريث لا تطبق على المسيحين يبقى فين عدم المساواه
وايه علاقه فرج فوده بالازهر ولماذا الزج بالازهر فى ذلك الموضوع هو عشان الازهر قال رأى يبقى هو اللى حرض على مقتله
وايه موضوع الحور العين وان المسلمه لو دخلت الجنه هتبقى محظيه
يا اخت فينوس الرسول قال عن وصف الجنه مالا عين رأت ولا اذن سمعت ولا خطر على عقل بشر
يعنى الوصف اللى اتوصف فى السيره صفر على الشمال من ما هو موجود فى الجنه
ومين قالك ان الحور العين مؤنث بس
ومين قالك انها هتبقى محظيه
ايه الكلام ده يا فينوس دى الجنه مش صالة ديسكو هو هيبقى فى حد فى الجنه محظيه دى داخله الجنه عشان عملها الحسن مش عشان هيا حلوه او جسمها حلو
فى النهايه بقى
انا بكتب الرد ده بقالى اكتر من ساعه
وحاسس انك مش هتنشريه
هزعل منك والله لو منشرتيه واتناقشتى معايا فيه
انشريه يا فينوس واقريه وخلى غيرنا يقراه
بمكن حد يستفيد من الرد ده
او من الرد اللى هترديه بعد كده


انتهى

Ms Venus يقول...

قبل ما اقراء اى كلمة اولا برحب بيك تانى


المقال طبعا ده مقال للدكتور سيد القمنى مش انا اللى كتبته انا بس نقلته من الموقع بتاعه وانا كاتبة ده فى اخر المقال

وده طبعا ميمنعش انى متفقة مع كلامه والا مكنتش نقلته

اسمح لى بقى دلوقتى هقراء تعليقك كلمة كلمة وبتركيز كبير جدا وارد عليك

Ms Venus يقول...

اولا هل كل المسلمين وهابيين

انا هقولك شوف انت اللى بيحصل دلوقتى وانت تحكم بنفسك

طبعا انا بتفق معاك ان فى ناس معتدلة الفكر والتصرفات

بس هما فين ؟

عددهم اد ايه ؟؟

فين صوتهم فى كل المهازل اللى حصلت للمسيحين واللى لسه بتحصل واللى اقربها مقاطعة موبينيل وساويرس علشان صور اصلا اللى عاملها مسلمين ردا على فتوى قتل ميكى !!

واللى نشرها منتدى سعودى من سنة 2008

لكن الحرب كلها قامت على ساويرس ليه ؟ لانه مسيحى

مع انى فى رأئى اللى بيسىء للدين هو الفكر ده وامثاله مش مجرد صور اختزلت الاسلام كله فى لحية ونقاب



ثانيا بتتكلم عن نصوص تحريم الزواج وما شابه

وهقول زيك مش بصدد مناقشة اديان

ومش دى مشكلتى ولا مشكلة كاتب المقال

المشكلة ان اللى حصل فى اطفيح من هدم كنيسة وتشريد الاسر من بيوتها كان بالسبب ده!

يعنى هل انت شايف ان علاقة بين شاب وبنت اى كان دين كل واحد منهم عادى يحصل بسببها كده ؟

ولا العقل ولا الضمير ولا المنطق والاخلاق يقبلوا كده صح ؟؟


يبقى اللى صعد الموضوع من موضوع اجتماعى الى موضوع طائفى هو مين ؟؟؟؟

Ms Venus يقول...

ثالثا معترض على جملة فى المقال احب افكرك تانى ان المقال مش ليا ده للدكتور سيد القمنى وطبيعى انى انقله زى ما هو

ولعلمك الجملة صح وبتطبق فى امور كتيرة جدا اقربها الحكاية الشهيرة للطفلين ماريو واندرو اللى اسلم ابوهم وللاسف المحكمة اجبرتهم انهم لازم يدخلوا الاسلام !

ليه ؟

لان الاسلام الدين الاعلى !

باى منطق ده معرفش

ومين قال ان لان الاغلبية دينهم الاسلام يبقى هو الدين الاعلى

انت مش شايف ان ده عنصرية ؟

كل انسان دينه عالى وغالى عليه

بتتكلم عن الفتح العربى هقولك وببساطة جدا دور على نص الوثيقة العمرية واقراها وانت تعرف حصل ايه لمسيحين مصر وقتها

وعلى فكرة انا نشرتها هنا فى المدونة فى بوست سابق تقدر تلاقيها كمان بسهولة

المشكلة ان للاسف الاغلبية مش بيقروا التاريخ ويعرفوا

نص الوثيقة العربية واضح جدا

بتتكلم عن الجزية هقولك فرق كبير بين انك بتدفع الذكاء بارداتك

وبين انك بتدفع جزية صاغر وذليل

نص الاية كده

حتى يعطوا الجزية عن يد وهم صاغرون ..

يا سيدى بتقولى الجزية مقابل الحماية

وانا اصلا ليه مدخلش الجيش فى بلدى ؟؟

ليه تحرمنى وتخلينى مواطن درجة تانية ؟؟

كلام غير مقبول طبعا وغير منطقى

ياريت تقراء كتاب مصر فى عصر الولاه للدكتورة سيدة اسماعيل الكاشف وانت تعرف كويس حصل ايه لميحين مصر

هى كاتبة مسلمة لكن كتبت التاريخ بضمير الانسان

Ms Venus يقول...

عاجبنى كلامك ودفاعك لكن للاسف مش هو ده التاريخ ولا هو ده اللى حصل


كلامك عن اطفيح للاسف خطا ومعلوماتك ناقصة انا اسفة

واضح انك مكنتش ملم بتفاصيل الموضوع كويس


اطفيح كانت مهزلة بكل المقاييس

والمعتدلين اللى انت بتقول عليهم موجودين للاسف محدش سمع صوتهم وقتها

وانت بتقول ان الاستاذ عمرو والشيخ حسان راحوا هناك

دى كارثة لوحدها

يعنى فى جريمة حصلت اللى يروح يحلها رجل الشرطة ولا رجل الدين ؟


بالله عليك هل انت شايف ان ده وضع طبيعى ؟؟

هل انت شايف ان مافيش ولا مجرم من اللى عملوا المهزلة دى اتقبض عليه واتحاكم مع انهم معروفين صوت وصورة هل انت شايف ان ده طبيعى ؟

هل ضميرك يقبل ده ؟؟؟

Ms Venus يقول...

حكاية تحريم المخدرات دى معرفهاش وافكرك بردو ان ده رأى الدكتور سيد القمنى وبالمناسبة طبعا هو مسلم

وهو ادرى منى


بالنسبة لهدم الكنائس وعدم استصلاح المتهدم منها ايوة ده صح وهكرر عليك تانى اقراء الوثيقة العمرية هتعرف وتتأكد


الدكتور سيد بيقول ان اللى بيطبقوا الشريعة من وجهة نظرهم ناس غير مؤهلين وبيقولك ان تجارة المخدرات هناك شىء شائع

انا مش شايفة ان فيها اساءة

هو بيستنكر ده

واعتقد ان انت كمان بتستنكر ده ومش اى حد جاهل وغير واعى يكون له الحق فى تطبيق شريعة الدين صح ولا ايه ؟

لازم تطبق من متخصصين ودعاه مثلا فى الازهر

للكن مش من الشعب !

اعتقد ان انت موافق على كده مش اساءة ولا حاجة ده استنكار

Ms Venus يقول...

الخمار والنقاب بردو مش موضوعى وانا ماليش علاقة بيه

الكاتب ومن وجهة نظره انه شىء مش من الدين


كلام النبا بيشوى هرجع تانى واقولك ياريت تقراء الكتاب اللى قولتلك اسمه


صحيح نسيت ارد على كلمة هو مافيش مسيحيين متطرفين


لا طبعا فى بس خد بالك من حاجة

المسيحى المتطرف مش بيأذى حد ولا بيهد مسجد ولا بيقتل مسلم باسم الدين

لكن تعالى شوف المسلم المتشدد بيعمل ايه ؟

ده غير ان الدولة نفسها عمرها ما حكمت على اى مجرم عمل جريمة ضد المسيحين من ايام الزاوية الحمراء اللى كانت فى عهد السادات ده لو تسمع عنها

Ms Venus يقول...

بتتكلم عن الترانيم وميكرفونات الجوامع


سا سيدى الفاضل حضرتك بتقارن ايه بايه

الميكرفون انا بيتقال عليا فيه كافرة ومشركة بفهم خاطىء تماما للمسيحية
انت شايف ان ده مش يضرنى نفسيا

ده حتى من باب الانساسية انت شايف ان ده صح

ده غير بقى التحريض العلنى اللى بنسمعه بودانا كلنا

الترنيمة بقى بتضرك انت فى ايه ؟
بتهينك ؟

بتجرح شعورك ؟


اقراء طبعا قرانك بحريتك لكن المفروض مراعاه الناس اللى عايشين معاك

حط نفسك مكانى ولو لدقيقة وفكر

Ms Venus يقول...

المادة التانية

وبتقارن بينا هنا وبتقولى ينفع اروح هولندا

طب بالذمة ده كلام

يا سيدى انا هنا فى بلدى

لكن انت فى هولندا ضيف

الفرق كبير جدا بين الحالتين


لما تقولى الشريعة هى المصدر يبقى طبيعى جدا يتطبق عليا النص اللى فى الشريعة اللى بيقول لا يؤخذ دم مسلم بغير مسلم !

وده زى ما قولتلك بيتطبق فعلا والدليل عدم محاطمة اى مجرم اعتدى على مسيحى او على كنيسة !

طب بالله عليك انت مش شايف ان ده ظلم ؟؟؟؟؟؟


بتقولى الاغلبية مسلمة طب ما لو اتكلمنا بمنطق الاغلبية والاقلية هل ينفع اقولك ايوة المسلمين بالغلبية والمسيحين بالاقدمية وهما سكان مصر الاصليين ؟؟

هل هتقبل ده منى ؟؟

طبعا لا مش هتقبله يبقى المفروض كلمة اغلبية واقلية دى ضد المواطنة وضد حقوق الانسان

لان انا زى زيك فى بلدى وحقوقى زى حقولك

بتتكلم عن الوظائف طب بذمتك انت مش عارف اننا ممنوعين من اى وظائف مهمة ومرموقة ؟؟

يعنى دى حاجة باينة زى الشمس

قانون دور العبادة الموحد

بناء الكنائس واللى كان لازم ناخد موافقة عليها من رئيس الجمهورية !

بالذمة انت شايف ان ده عدل ؟؟


بين كل جامع وجامع بيتبنى جامع وزواية والكنيسة علشان تتبنى لازم موافقة الرئيس !!!!


فى بلدى ومعرفش ابنى كنيسة او حتى ارمم غاى جزء فيها

وترجع تقولى مساواة ؟!


ومع ذلك البابا شنودة قال محدش طالب بالغاء المادة التانية

لكن يضاف عليها جزء خاص بينا

هل ده كتير ؟؟

Ms Venus يقول...

اعتراضك على جزء الدكتور فرج فودة والازهر والجنة

انا طبعا ماليش علاقة وبردو ده رأئى كاتب المقال

ادخل مدونته انا حاطة اللينك بتاعها فى اخر المقال وناقشه ورد عليه



اتشرفت بوجودك وسعيدة طبعا بالحوار معاك واتمنى متكونش زعلت منى

Ms Venus يقول...

فى حروف واقعت منى ولا حروف داخلة فى الكلمات غلط معلش اعذرنى هههههههههه


بيتهيألى انك هتعرف تفهمنى معلش بقى حاول :)

Ms Venus يقول...

اقراء البوست ده


http://venuss-dreams.blogspot.com/2010/11/blog-post_27.html