السبت، 27 نوفمبر 2010

احداث العمرانية و الشروط العشرة لبناء الكنائس


البوست مقتبس من مدونة

Voice of Egypt





اللي حصل في حي العمرانية من كام يوم هو اكبر دليل علي ان الدولة مش مدلعة الأقباط زي ما بيدعي ناس كتير و هو اكبر دليل ان

الدلع اللي الكنيسة مدلعاه للدولة ملوش مقابل.


اقتحام قوات الأمن لكنيسة العمرانية بحجة تحويل مبني خدمات لكنيسة مايفرقش حاجة عن اعتقال اعضاء الاخوان المسلمين بحجة الانتماء لجماعة محظورة

أيوة الأقباط خالفوا القانون ببناء كنيسة من دون ترخيص
أيوة الأقباط خالفوا القانون بإتلاف ملكية عامة
أيوة الأقباط خالفوا القانون بالتهجم علي قوات الأمن اللي كانت بنفذ التعليمات
ايمانا بأهمية تطبيق دولة القانون.. لازم ندين مافعله الأقباط. ولكن قبل تطبيق دولة القانون.. لازم القانون ده يبقي عادل ويكون نابع من قيم الدستور اللي بيحكم البلد



الدستور المصري بينص علي

مادة(40): المواطنون لدى القانون سواء، وهم متساون فى الحقوق والواجبات العامة، لا تمييز بينهم فى ذلك بسبب الجنس أو الأصل أو اللغة أو الدين أو العقيدة.

مادة(46): تكفل الدولة حرية العقيدة وحرية ممارسة الشعائر الدينية.


أما يبقي ده نص الدستور وفي نفس الوقت عندنا قانون اسمه الخط الهمايوني تندرج تحته عشرة شروط لبناء الكنائس


١- تقديم سندات ملكية الأرض المراد البناء عليها وتوضيح ان كانت أرض فضاء أو زراعية

٢- الا تبنى الكنيسة بالقرب من المساجد أو الاضرحة الموجودة بالناحية

٣- الا تبنى الكنيسة وسط تجمعات سكنية من المسلمين

٤- توضيح هل ما يمنع من بناء الكنيسة وسط تجمعات سكنية للمسلمين

٥- توضيح إذا ما كان هناك كنسية أخرى لنفس الطائفة بنفس المربع السكنى

٦- توضيح المسافة بين البلدة المراد البناء فيها واقرب كنيسة موجودة بالفعل

٧- توضيح عدد افراد الطائفة الموجودة بالبلدة

٨- اذا كانت الكنيسة المراد بنائها قرب ترع أو جسور أو أي منافع عامة يجب اخذ راى تفتيش الرى أو مصلحة السكة الحديد أو الملحة المختصة

٩- عمل محضر رسمى لكل التحريات المطلوبة

١٠- يقدم مع الطلب رسما هندسيا (خريطة) بمقياس 1/1000 للموقع موقعا عليه من كل من مهندس معتمد ورئيس الطائفة الدينة

بالقانون ده لا المصريين متساويين في الحقوق والواجبات و لا حرية ممارسة الشعائر الدينية مكفولة..


أما ده يكون الوضع ماتستغربش أما تشوف احداث زي اللي حصلت في العمرانية و اللي أسوأ منها كمان



حلوا المشاكل من جذورها وكفاية ترقيع



مش هزود ولا كلمة ....

هناك 7 تعليقات:

mrmr يقول...

الكل عارف وشايف وسامع
لكن تقولى ايه
ربنا موجود
لكن كما قال رب المجد
فى الزمان سيكون لكم ضيق لكن ثقوا انا قد غلبت العالم

ربنا يعطينا ان نحتمل الضيقات من اجل اسمه

Boneta يقول...

الخط الهمايوني ده عار علي كل مصري عنده ذره ضمير
لان الهدف منه هو قهر القبطي وإذلاله
ومعاملته كضيف في بلده وبلد اجداده
وهو مخالف زي ماقولتي لمواد الدستور المصري وكمان حقوق الانسان
اتمني ان كل انسان يعامل الناس زي مابيحب ان الناس تعامله .
تحياتي لك فينوس

Kontiki يقول...

:( انا اسفة و محرجة ومكسوفة منك ابقى بصى على التحديث اللى عندى تعرفى يا فينوس كل ما تحصل مصيبة للمسيحين اتصل بصحابى عشرة العمر المسيحين اقولهم انا اسفة حتقاطعونى ! :( :(

karmen يقول...

لا حول ولا قوة الا بالله
ربنا سبحانه وتعالي فوق الجميع
ربنا يهدي

Boneta يقول...

Kontiki
ياريت ما تحمليش نفسك فوق طاقتها لان الاحساس بالذنب ده شيء مدمر وبعدين انتي مش ليكي يد في شيء؛؛في أيه بتقول "ستأتي ساعه يظن فيها كل من يقتلكم انه يقدم خدمه لله "وده اللي بيحصل فعلا معاكي انها حاجه تضايق وتقهر كل انسان لكن رغم كل المشاكل دي احنا واثقين ان ربنا موجود
تحياتي

Boneta يقول...

هاي فينوس
انتي فين يابنتي؟

amiralcafe يقول...

بإسم الرب صباح المحبة لك عزيزتي
الاضطهاد كان ومازال هو احد واهم أسلحة الشيطان الذي يحارب بهاالمؤمنين لكن الرب قال
فى العالم سيكون لكم ضيق ولكن ثقوا انا قد غلبت العالم...
رؤوف