الثلاثاء، 8 يونيو، 2010

تحت امرك يا بلدى ومش هغير عقيدتى


























وكان رد قداسة البابا واضح وصريح










أن الكنيسة تحترم القضاء وتجله، وفي الوقت نفسه لن تقبل أحكام ضد الإنجيل، وأن زواج المسيحيين سر من أسرار الكنيسة، ومتعلقة بتعاليم الدين المسيحي، وليس للمحكمة شانًا في ذلك.















انا طبعا مش هعلق كتير ولا هتكلم










لكن هو سؤال واحد يعنى بيلح اوى عليا










ليه ؟؟










هل ينفع نجبر على شىء ضد دينا وشريعة الانجيل ؟










ليه بقى ؟









على فكرة فى ملحوظة مهمة جدااااااااااااا




قرار البابا ده مش رأيه هو ابدا




ده رأئى وتعاليم الانجيل




البابا بينفذ الشريعة المسيحية وبس




والانجيل بيقول ايه ؟




ان لا طلاق الا فى حالتين




الزنا




او العجز




غير كده مافيش طلاق




اللى عاوز يطلق خارج الكنيسة هو حر




اللى عاوز يتجوز بردو خارج الكنيسة هو حر






لكن




من المستحيل اجبار الكنيسة ابدا ابدا على مخالفة تعليم الانجيل




ياريت تكون الصورة وضحت




تحت امرك يا بلدى



لكن مش هغير عقيدتى

هناك 12 تعليقًا:

أحمد طـه يقول...

القرار صادم وغريب

كان الله في عونكم في دولة ليست إسلامية

ولا مسيحية

ولا علمانية

ولا محصلة مهلبية

richardCatheart يقول...

رائى من رايك يا فيو
طبعا فى ناس تعبانه وعندها مشاكل

بس البابا شنوده لوينفع يغير علشان راحه الناس ماكانش هايستنى انما هو عارف انه امر سماوى ماينفعش يتغير

وزى ما انت قولتى اللى عايز يتجوز مدنى هو حر بس اكيد هو عارف عواقب دا ايه فى الديانه المسيحيه هو حر

انما البابا ماينفعش يخالف الشرع دا تشريع ربانى وهو ادرى بشون الدين منهم

ولازم يفهمو مش علشان راحتهم نلعب فى التشريع ماينفعش اكيد فى اى دين

فاروق بن النيل يقول...

Ms Venus
عندك حق الإنسان موش ممكن يغير مبادئه ودينه بقرار الدين لله والوطن للجميع
وعموما هيه حرية شخصية واللى عنده دين يتمسك بيه واللى ماعندوش دين يروح فى داهية "لكم دينكم ولى دين" عنده حق البابا شنوده الكنيسة اللى بيروحها وعايزها ترحب بيه واللى موش عايزها يروح فى داهية

أحمد الصعيدي يقول...

فينوس


لا دخل لي بسياسات الدولة أو معتقدكم غير أني أجل النصاري وأعايشهم وأتعايش معهم بصورة جميلة جدا فهم جيران منذ الصغر ويحبونني كثيرا وأنا كذلك

لكن يا سيدتي


اود معرفة نص صريح وواضحفي الانجيل يبين اية الزواج

انا لست ضد معتقدك فلك أن تقري به ذاك شأنك ولكن العقل يحتم ذلك

لا والله ولا ترغيبا مني لك في القرار فقرار الكنيسة عندكم أقوي من قرار المحكمة ولكم شأنكم يمكنكم عدم التفعيل حتي ولو اصرت الكنيسة علي ذلك فثبات العقيدة أرسخ من قرار وضعي يضعه حاكم أو حكمة

أتمني أن يتضح تعليقي وشفافيته

ولكي مني ولكم جميعا مني كل الاحترام والتقدير

Ms Venus يقول...

اهلا بيك يا استاذ احمد


دى بعض الايات وليس الكل اللى بتتكلم عن الزواج فى الانجيل


مِنْ أَجْلِ هذَا يَتْرُكُ الرَّجُلُ أَبَاهُ وَأُمَّهُ وَيَلْتَصِقُ بِامْرَأَتِهِ، وَيَكُونُ الاثْنَانِ جَسَدًا وَاحِدًا».


انجيل متى : 5

32: وَأَمَّا أَنَا فَأَقُولُ لَكُمْ: إِنَّ مَنْ طَلَّقَ امْرَأَتَهُ إلاَّ لِعِلَّةِ الزِّنَى يَجْعَلُهَا تَزْنِي، وَمَنْ يَتَزَوَّجُ مُطَلَّقَةً فَإِنَّهُ يَزْنِي


"ومَنْ يتزوج مطلقة فإنه يزني" (متى 32:5).

والذى يتزوج بمطلقة يزني" (متى 19: 9)


"فالذى جمعه الله لا يفرقه انسان" (مت 19: 6).


ايات الكتاب كتير يا استاذ احمد وواضحة جدا

السيد المسيح قال اما قراتم ان الذي خلق من البدء خلقهما ذكرا وانثى وقال من اجل هذا يترك الرجل اباه وامه ويلتصق بامراته ويكون الاثنان جسدا واحدا اذا ليسا بعد اثنين بل جسد واحد فالذي جمعه الله لا يفرقه انسان.... ان من طلق امراته الا بسبب الزنا وتزوج باخرى يزني والذي يتزوج بمطلقة يزني

شكرا ليك واهلا بيك فى اى وقت

Kontiki يقول...

معلش يا فينوس عشان بس النقطة دى مهمة يجوز برة الكنيسة ازاى ؟؟ يعنى يبقى جواز برضة و تعترفوا بية اصل انا كتبت عن الحكاية دى بس مكنتش قريت اللى انت كاتباة دة بس بيتهيالة يا فينوس ممكن يكون من باب التخفيف على الناس والمرونة فى حل مشاكلهم الكنيسة تقبل زواج المسيحى تانى يعنى احسن من الزنا واحسن من الوحدة واحسن من العلاقات الغير مشروعه ربنا مش حيغضب علينا قوى لو يلاقينا سعدا ومستقرين ابقى بصى على البوست اللى عندى عشان رايك يهمنى جداا يا الهه الجمال :)

Ms Venus يقول...

كنتى يا قمر اهلا بيكى


اولا يتجوز برة الكنيسة يعنى عادى فى الشهر العقارى يعمل عقد زواج

لكن ده طبعا يبقى خارج الكنيسة وتعاليمها وشريعتها اللى هى شريعة الزوجة الواحدة فقط

هو حر عاوز يغلط هو حر

كل انسان حر يعمل اللى عاوزه وهو عارف الصح من الغلط

لكن مستحيل الكنيسة تعمل غير تعاليم الانجيل

والانجيل واضح جدا لا طلاق الا لعلة الزنا او العجز

وفى حالة العجز ده مش بيبقى اسمه طلاق لا بيبقى اسمه بطلان زواج

يعنى ولا كأن الطرف المتضرر اتجوز من الاصل

بالنسبة بقى لسؤالك ان الكنيسة تخفف عن الناس

بصى يا كونتى اولا غير ان دى تعاليم الانجيل ومستحيل الكنيسة تكسر حرف فيها

تعالى بالعقل نتكلم

اولا الفقير مثلا علشانه فقير نحلل له السرقة ؟

طبعا ده مثال بسيط للى عاوزة اوصله ليكى

الزواج فى المسيحية شىء مقدس جدا مستحيل انه يتكسر الا لاسباب قهرية

هتقوليلى الناس بقت وحشة ومحدش طايق التانى

هقولك انتى لو ابنك وحش وفيه كل عبر الدنيا هتتبرى منه او هتسيبيه او هتطلقيه ؟

مع العلم ان العلاقة الزوجية اقدم العلاقات اللى عرفتها البشرية واقواهم على الاطلاق

الانجيل بيقولها كده صراحة يكون الاثنين جسدا واحدا

وانتى عمرك ما هتكونى انتى وابنك جسد واحد

لكن بتكونى كده مع زوجك

اللى عاوز يغلط هو حر

اللى عاوز يزنى هو حر

لكن فى حساب

واللى بيحاول يصلح وبيتحمل بردو له ثواب

رغيت انا كتير معلش ودوشتك ويارب اكون رديت على اسئلتك

نورتينى يا احلى كونتى

TWEETY يقول...

ازيك ياطانت
انا جيت ازور حضرتك
ومبسوطة انى هنا

هو انا مفهمتش حاجة من الكلام اللى مكتوب
بس هكون ميسوطة لو حضرتك جيتى زورتينى كمان ماش هستناكى
مع السلامة

mrmr يقول...

انا معنديش اى تعليق
لكن فعلا كلام الكتاب المقدس صريح واضح
قرار الزواج الثانى ليس قرار قداسه البابا لكن قرار الكتاب المقدس
واللى عايز يتجوز يتجوز بعيد عن الكنيسه بس حيبقى فى نظر المسيح شخص زانى
واستحاله طبعا البابا يغير كلام الانجيل علشان قله من البشر تعبنين فى حياتهم الزوجيه

يبقى بالشكل ده ح تبقى سلطه خالص يبقى كل واحد مش عجبه حاله ولا مراته يروح يتزوج مره تانيه ومعجبتهوش التانيه يطلقها ويتزوج الثالثه وهلما جرا

شكرا فينوس

Ramy يقول...

انا معاكى فى رايك دة

BenBaz يقول...

فكر سلفي مسيحي .. مع احترامي لكي

amiralcafe يقول...

لا تبديل لي كلمة الرب