الثلاثاء، 30 مارس 2010

شيل الخشبة من عينك يا صديقى




معلش يعنى عندى سؤال تاعبنى من زمان




هو علشان اثبت انى صح.. اتهجم على غيرى ؟؟




عندى حاجة كويسة فى نفسى اقولها بفكرى وبأعمالى واسلوبى




لكن لما اتهجم على غيرى وبس






يبقى ايه ؟






يبقى انا فاضية خااااالص من جوة




ومعنديش اللى اقدمه




مش كده ولا ايه ؟


هناك 20 تعليقًا:

لاسع افندى يقول...

الانسان الصالح من كنز قلبه الصالح يخرج الصلاح والانسان الشرير من كنز قلبه الشرير يخرج الشرور


تحياتى

Ms Venus يقول...

صحيح يا لاسع


واللى بقصده انك تلاقى شخص او فكر معين

علشان هو معندوش اللى يقدمه

بيحاول يثبت نفسه عن طريق انه يتهجم وينقد غيره


منورنى دايما يا لاسع

modcena يقول...

اسمحولى..
للاسف الناس لاحظت ان الصوت العالى هو اللى غالب وهو اللى بيكسب فى كل حاجة
مش لازم تكون افضل المهم تكون اقوى وصوتك عالى
لحد ما دة بقا العادى سواء على مستوى افراد او مجموعات

تحياتى

ندا منير يقول...

اه بيكون فعلا ان مفيش حاجة جوة الشخص عشان كدة بيحاول يظهر نفسه بانه يتهجم على اللى قدامه

اما هو طباعه كدة بيحب يجر شكل اللى قدامه

اما هو دا اسلوبه فى الحوار دايما

richardCatheart يقول...

بصى هو التهجم على الاخرين بيرجع لعده اسباب

اولها ضعف الحجه

تانيها الغيظ من الاخر نتيجه عدم قدرت المتهجم توصيل وجه نظره بطريقه منظمه وواضحه

تالتها عدم الدرايه والالمام بالموضوع سبب الخلاف اصلا وتحويله لخلاف شخصى غير موضوعى


حلوة موضوعى دى عجبتنى ههههههههههه

معلش سؤال يافيو لو فيها غتاته وفيها غتاته انا عارفه

هى كل المدونات اللى عليها اسمك بتاعتك
طيب ليه مش واحده وبتلمى فيها كله
ولا هما متخصصين ياعنى اجتماعى وسياسى وكده
الاستفسار للعلم مش اكتر
انت فى اى حته هاتبعك ان شاء اللهد

تسلمى وتقبلى مرورى

Ms Venus يقول...

modcena


صحيح للأسف كلامك


وليه دايما ببص لغيرى ؟


ليه بنقده وانا كلى عيوب ؟


شكرا لمرورك ورأيك الكريم

تحية واحترام

Ms Venus يقول...

ندا


بالظبط كده


يا هو فاضى ومعندوش اى شىء


يا بيعمل اسقاط على غيره


ميرسى لوجودك الجميل ورأيك


وردة وتحية

Ms Venus يقول...

قطة يا جميلة

منورانى دايما وبفرح جدا متتصوريش أد ايه بوجودك وبستنى دايما رأيك


اولا بالنسبة للموضوعى صح انتى معاكى حق

يا ضعف حجة

يا غيظ من الطرف التانى وشايفه احسن منه فى شىء


بالنسبة بقى للمدونات هقولك يا ستى


مس فينوس هى المدونة الرئيسية اللى بكتب فيها حاجات كده ملغبطة فى احساسى والعك اللى بتشوفيه ده


دريم فينوس انا كنت فاضية قولت اعملها هههههههههه وفضلت فترة فاضية مش بكتب فيها اى شىء لانى مكنتش عارفة اصلا اكتب ايه

ولما حصلت الاحداث الاخيرة دى انفعلت فيها وحسيت انى عاوزة اعبر عن نفسى كأنسانة فى امور كتير خارج الاحساس فقولت اجى اكتب هنا الفضفضة اللى جايز كتير محدش يفهمها غيرى

بس اهو بكتب وافضفض لما اشوف حاجة تضايقنى


المدونتين التانين بقى اللى هما فيهم بس ميوزك فهما مش بتوعى بس هما بالاسم بس لكن ليهم صاحب تانى ههههههههه


رغيت كتير انا عارفة


وسؤالك مش غتت ولا حاجة بالعكس حبيبتى انا كتير سألته لنفسى ليه الهيصة اللى انا عملاها دى فى المدونات هههههههه


منورانى دايما يا احلى واجمل قطة

اجمل وردة لعيونك

richardCatheart يقول...

ههههههههههههه لاوالله انت ترغى راحه رحتك واسمك الجميل دا يستاهل يتحط على 100 مدونه وخصوصا بادم فيهم فايده
بس تخدى نوسبه المفروض ههههههه

والمدونه بتاعت المزيكا لقيت فيها شويه مزيكا جميله وهاتعامل فيها ان شاء الله

تسلمى يارب وردك عليا ووردك الجميل بيسعدنى جدا

تسلمى يافيو ديما بتمتعينا بذوقك

mahmoud يقول...

شكر علي تعليقك وانا بارسم علي فترات علشان مش عندي طول بال عل اتلرسم بياخد وقت وكمان مش فاضي بس باحاول علي فتراتوالحمد لله انا حاليا كويس وباخف من اثار العملية شوية شوية وباتمشي بسيط يعني وكام يوم تاني وهابقي تمام
اما عن موضوعك ففي ناس بتمشي بطريقة خالف تعرف دايما للفت الانتباة ولو علي حساب الحق والغير وفي النهاية هو اللي هايخسر كتير
كنت عايز اسال هو لي venusdream كانت مختفية اظن فترة ما من الوقت

mahmoud يقول...

نسيت اقولك كل سنة وانت طيبة ولو انها جت متاخر شوية

Ms Venus يقول...

محمود


حمدلله على سلامتك ويارب دايما تكون بخير

ورسمك جميل بجد

ومعاك حق فى حكاية ناس كتير بتحب مبدء خالف تعرف وماشية بيه

بس انا يمكن بقصد الانسان اللى كله عيوب ومش شايف نفسه وباصص لغيره وبس عمال ينقد فيه


واوقات كتير بتبقى اسقاطات مش اكتر


فينوس دريم مكانتش محجوبة ولا شىء هى اصلا مكانتش موجودة مكنتش لسه عملتها

وحتى بعد ما عملتها فضلت فترة فاضية


منورنى دايما وكل سنة وانت طيب وبخير وسلام


تحياتى ليك

فاروق بن النيل يقول...

Ms Venus
إوعى تكتبى حاجة موش مقتنعة بيها لمجرد الرد هلى الهايفين إنتى مبدعة وخليكى بطريقك ولاتنظرى حولك المثل يقول ودون أن أشتم أحدا لأنى ماعرفش الموضوع لكن من قراءتى لهذا البوست أقول :
"الكلاب تعوى والقافلة تسير "
فسيرى ياأختاه ولاتلتفتى لأى أحد كان دومتى لنا وشكرا

Ms Venus يقول...

استاذ فاروق

حضرتك معاك حق فعلا

اشكرك على وجودك وتشجعيك الدائم ليا

تحية لحضرتك

فاروق بن النيل يقول...

Venus Dreams
بقالنا كتير ماشوفناش تعليقاتك وعندى قصيدة جديدة من إمبارح ولازم تشوفيها وشكرالك

Kontiki يقول...

الهه الجمال مختفية عن مدونتى من فترة اتمنى تكونى بخير :)
سؤالك فى محلة والسلوك الهجومى على شخص ما فقط لاننى اظن اننى على صواب سلوك الحقيقة مشين ورجعى للغاية فلا الاخلاق و لا الابداع لهم تلك الوصفة كما فى كتاب اشهى المأكولات :) فلا يملك احد تلك الوصفة ويبدأ فى الحكم على سلوك الباقى بانه انت صواب وانت خطأ وانت فى مركز متوسط بين الاثنين :) الهجوم و الشتم و البذاءات حيلة الضعفاء عقولهم فارغه من الافكار ليعبروا عنها والسنتهم خالية من الكلمات
لذلك لا تبالى صديقتى بمصدرى الاحكام او المهاجمين او الشتامين

Ms Venus يقول...

استاذ فاروق اكيد لازم اشوفها


نورتنى يا استاذى

Ms Venus يقول...

Kontiki

كونتى الجميلة

مقدرش اغيب عنك ابدا

وكلامك صح جدا


هى حجة الضعفاء وفارغى العقول


وردة لعيونك الجميلة يا قمراية

فاعل خير يقول...

السلام عليكم
ممكن تكونى فعلا صح
فى ناس عاوزه تتكلم وخلاص
وعيزا برضه زى ما محمود قال
خالف تعرف
لو كان النقض مش فى محله
لكن لما نلاقى حد بينحضر عن الطريق الصح أو بيكلم فى حاجه وهو مش فهمه أو عامل نفسه فهمها
يبقا لازم نقومه
تقبلى مرورى المتواضع
أمضاء
فاعل خير

أحمد الصعيدي يقول...

خير الكلام ما قل ودل



عندك ألف حق


أسعدك الله