السبت، 13 مارس، 2010

وتتكرر المأساه




ويستمر المسلسل




اى كنيسة يلمح فقط انها بيتعمل فيها اى ترميم او اعمال بناء






الدنيا تتقلب





واعمال شغب




هجوم على مسيحو مرسي مطروح من قبل ( الغوغائيــــن )..



وحرق منازلهم ومحلاتهم


وتكسير سياراتهم..وحصار كنيسة تحت الانشاء وبداخلها الكهنة والخدام



والمصلون..عشرات المصابين من بينهم افراد الامن






أدى الخبر بتفاصيله الحقيقية والتسجيلات










وأدى الخبر طبعا زى ما بيقولوه البهوات ( اشتباكات )

هههههههههههه اضحكوا معايا
ال ايه اشتباكات بين الطرفين









حد يقولى ليه ؟








عاوزة حد كده عاقل يفهمنى





لما كنيسة تتبنى او تترمم ده يضايق فى ايه ؟





يا جماعة بس خدونى على اد عقلى وفهمووووووونى





لييييييه ؟؟؟؟؟؟؟؟؟؟؟؟؟؟؟؟؟؟؟

بجد .. حــرام

هناك 24 تعليقًا:

Kontiki يقول...

مش عارفة يا فينوس مسموحلى اسب و العن واقول كل الالفاظ القذرة ولا لا
انا شخصيا قرفت من د** ام الشغب على د** ام الارهاب على د** ام اللى بيبلطجوا على خلق الله باسم انهم مسلمين
قرفت وخلاص مش عارفة اعمل اية اودى وشى منكوا فين مسلمة وحاسة ان على راسى بطحة بسبب الكلمة دى
مطلوب منى فى مدونات المصريين اللى مش على دينى اللى هم اصحابى اصلا ومدونات الاجانب انى افضل اقول وانتع فى قلبى انى مسلمة وبكلم لغات ومش بتاعه تفجيرات انتحارية ! مطلوب منى شهادة براءة من الارهاب والبلطجة و الغباء مطلوب منى انى افضل اهرى فى نفسى اننا مش كدة
الحل الامن
وزارة الداخلية
يجيبوا ميتين ام البلطجية اللى علموا كدة ويشنقوهم فى ميدان عام
ويطلع قانون ويتفعل ان اى ابن **** حيعمل اى حاجة بسبب الدين او بحجة الدين يتشنق فورا .
واة بقى بقولهالك
المسيحين كمان ميسكتوش
كفاية بقى ادارة الخد الايمن والايسر
مزهقتوش
الكنيسة قصادها جامع
وزى ما يحصل هنا يحصل هنا
بس كدة
عشان لما المصريين يعانوا ويشربوا الذل والمر فى حرب اهلية زى لبنان حيعرفوا يتلموا ويعرفوا ان الله حق وانهم كانوا فى نعمة بقالهم قرون والداخلية تعرف ان لو هى بتتستر على اللى بيعملوا البلاوى دى ممكن تقوم فى البلد فتنة كل الداخلية متعرفش تلمها .
الحل هو القانون
والحل هو كشف الاوراق و يتعرف مين المحرض وراء الاحداث دى .

Tears يقول...

شوفى المصريين المسلمين و المسيحين الاتنين مسئولين بنفس القدر لسبب بسيط جدا و هو ان المصرين سكتوا على النظام المستبد بل رجال الدين فى الجانبين حشروا نفسهم فى السياسة و دعموه و هو من يحرك قوى الظلام ...هو الغول بتاع نجع حمادى ده مين و تبع ايه؟....عشان يخوف العالم و يقولهم شوفوا انا احسن من غيرى و بما ان الكل شارك فى التمثيلية و بلع الطعم يبقى لا نلوم غير انفسنا

لو ده شعب محترم كان فى 2005 استغل الفرصة و هب كله و اعتقد لا ايمن نور و لا نعمان جمعه كانوا اخوان او فيهم ريحة تأسلم دول اتنين علمانين لكن اللى حصل ان الازهر و الكنيسة باعوا الدنيا و الاخره و الشعب و كانوا ابواق للتضليل و ضاعت الفرصة

و الان هناك فرصة اخرى تلوح فى الافق فلو ضاعت يبقى الشعب كله يستاهل الدبح و الحرق لان الفرق بين البشر و الحيوانات العقل و الكرامة و الاتنين بقالهم كتير غايبيين اوى

اسفه لو رايى حاد بس دى الحقيقة

لا فرق عندى بين مسلم و مسيحي و بهائى و يهودى و لا دينى..كله مصرى

و الدين للديان و الوطن للانسان

richardCatheart يقول...

انا بقى هاسب واللعن واقول دول ناس وسخه ومايعرفوش ربنا هو احنا لو جينا نبنى مسجد ولا جامع او نرمم واتعمل فينا كده هانسكت هو فى ايه ماهو طول مالبلد مابتديش الحقوق للشعب هايحصل اكتر من كده احنا قلبنا الدنيا لما سويسرالما قالت مأذن لاء وهى لابلدنا ولا لينا فيها ازاى مواطن فى بلده محروم من العباده الله وهو لما يتبنا مليون كنيسه هايجرى ايه ماللى عايز يسلم يسلم واللى عايز يتنصر يتنصر الدين لربنا وكل وحد حر لما يرحله عز وجل هو يحاسبه
و بالرغم ان سويسراالمفروض المسليمين اللى فيها يمشو زى ماهى عايزة وبالرغم ان المأذن مش هى المهم فى الاسلام وبالرغم من دا ماسكتناش

الله يبقى ليه اللى مانرضهوش على نفسنا بنرضا للناس ومش اى ناس دول جيرنا واصحبنا وعشنا وملحنا
وكل مره تحصل نصيبه تتلم والله انا لو
ابنى ولا اخواتى اتعمل فيهم كده مايكفينى فى اللى عملها غير انه يتعدم
بيوقعو بنا علشان مخهم الوسخ وضميرهم الاوسخ وجهلهم لازم اخونا المسحين مايسكتوش ولعوها علشان الكل يتلم
احنا اللى بيدوس على ضورفنا بناكله
فين حقوق المواطنه دى بلد بقى لامسلم ياخد حقه ولا مسيحى دا هو دا الكفر بعينه والله
وحسبنا الله ونعم والوكيل خلينا ماحلتناش حاجه غير الولوله وحطت ادينا على خددنا بلا خيبه
تسلمى على البوست اللى زعلنى دا يا فينوس وربنا يفوكها علينا وعليكو
تقبلى مرورى

Tamer Nabil يقول...

فى بلدنا توقعى كل حاجة وحشة مش عشان بلدنا وحشة لا عشان فيها ناس وحشة

ربنا على الظالم والمفترى

مع خالص تحياتى

إمرأه من ثلج يقول...

حبيبتى

مصردى ام الدنيا العيب مش فى مصر العيب فى الناس
الى فاهمين غلط

للمسحين الحق فى بناء كنائس او ترميمها دى حق كفلة ليهم الشرع والدين

والناس الى بتعمل الاعتداءات دى

ناس مش فاهمة دينا صح

دينا دعا للمساوة والاحترام

الناس دول مش فاهمين دنهم صح للاسف

تحياتى لشخصك الكريم

Tarkieb يقول...

مشكلة الناس دي حاجة واحدة هي ان أيديهم اطول من لسانهم وعشان كدة خايفيين من مواجهة تحتاج اللسان في يوم من الايام .. وبما انهم خايفيين من اليوم ده فااي حاجة ممكن ترعبهم حتى ولو دورة مية جديدة بتتيني في كنيسة.. لو كان بناء الجوامع والكنيسة هم السبب في زيادة أعداد المسلمين أو المسيحين ما كانش حد غلب.. في كل قرية ومدينة في اوروبا يوجد كنيسة ومعا ذلك تقريبا فاضيين.. تفرق ايه لو اتبني في كل شارع في مصر كنيسة لا عدد المسلميين ح يقل ولا عدد المسيحيين ح يزيد..ماهو مصر أيام العز كان فيها معبد يهودي والناش عاشت ولا حصل حاجة .. صدقيني يا أختي المشكلة مش لا جهل ولا تشدد المشكلة بس قصر ديل مش أكتر....وحلني بقى على بال ما يطول

غير معرف يقول...

الاسلام هو الحل


واعدوا لهم ما استطعتم من قوة ورباط الخيل

المعاملة بالمثل

هو ده الحل

Be Mine يقول...

الوهابية الارهابية اخترقت مصر خلاص

mahmoud يقول...

معلهش واعتذر ان كان ليا حق الاعتذار كمسلم واكيد اللي عمل دة زي ما قولت قبل كدة مش فاهم معنى رسالة دينةالناس مش بتطبق الدين صح ولو طبقتة صح اؤكد ان حاجة من دي ما كانتش حصلت خالص لان دينا الحق دين سلام وامن ومطلقا لم يأمر بترويع الامنيين مهما كانوا فما بالك ونحن يجمعنا اننا من اصحاب الديانات السماويةوطبعا لانغفل ان بعض الغوغاء (بيخشواقي النص)ويزيدوا من الامور تعقيدا كما قلت كلنا حر في ملته وعبادتة ولا ترويع لامن ومصر لنا فعلا جميعا ملك لنا فهي ارضنا التي نحيا عليها ولها وعلاقتنا يعلمها الله فهي بين العباد وبين ربهم ولا دخل لمخلوق بهاعذرا لما حدث
تحياتي وان اتت متأخرة وجأت في ظرف غير مناسب

mony يقول...

طبعا حرام البيوت والمحلات والعربيات
ومش عارفه ليه

ربنا موجود

Ms Venus يقول...

كونتى


اقولك ايه طيب


ربنا يستر علينا صدقينى

Ms Venus يقول...

تيرز

كلامك صح

بس تعملى ايه لو مش مسموح ليكى اصلا تتنفسى

الكنيسة والازهر مجبورين

واديكى شوفتى بنفسك عملوا ايه فى الدكتور اللى كان نازل يجمع توقيعات للبرادعى

صدقينى احنا بيحكمنا عصابات

Ms Venus يقول...

richardCatheart


كام واحد عنده ضمير وبيحس كده زيك عزيزتى ؟


كام واحد ؟


ربنا يرحمنا

Ms Venus يقول...

تامر


صدقنى انا حزينة على مصر


حزينة على بلدى لانها بتنهار

Ms Venus يقول...

امراه من ثلج

ايوة يا فاطمة معاكى حق

بس وبعدين

الاحداث مش بتخلص

وكل شوية بتتكرر وبعنف


الحل فين وازاى ؟

Ms Venus يقول...

تراكيب


المشكلة فى عقول فاضية وفارغة بيستغلوها

ربنا يرحم

Ms Venus يقول...

غير معرف


وتبقى لبنان تانية ؟


ما الكل وقتها هيخسر وهو ده اللى عاوزينه

Ms Venus يقول...

Be Mine


ربنا موجود

Ms Venus يقول...

محمود

متعتذرش وانت ذنبك ايه

انا متأكدة اصلا ان اللى بيعمل كده مش هما المصريين

اخواتنا واصحابنا اللى عايشين معاهم بقالنا سنين كتير اوى

وعمرنا ما سمعنا مشكلة زى دى كانت بتحصل

دى افكار وعقول مغيبة اخترقت عقول الناس واستغلت ضعفهم وجهلهم وحاجتهم

واستخدموهم فى التدمير

دول مش مصريين ولا يمكن يكونوا بيحبوا مصر وخايفين عليها

Ms Venus يقول...

مونى


ربنا موجود عزيزتى


هقول ايه طيب

هو شايف وحاسس بينا

rony يقول...

الرب يدافع عنكم وانتم تصمتون
بس احنا خلاص اتعودنا على كده
ننضرب ونقول الآيه دى
بس عايزه اقولك ان احنا بشر
ولينا قوة احتمال بس مش كتيره
طبعا ده مش شك فى قدرة ربنا
بس اليه هنصرخ اكتر وهنقرب اكتر
ويمكن احنا بقينا فى وقت بعدنا فيه عن ربنا
وعلشان كده هو بيصحينا
محتاجين نصلى بكل ايمان و نصرخ ونقوله
الى متى يا رب تنسانا
ربنا يرفع عنا غضب الجهلاء والمهمشين
ويرحمنا من اللى بيحصل فى كل بلد شويه
ويا رب مفيش غير اننا نقولك
مالناااااااااش غيرك مالنااااااااش غيرك
يا رب انت قولت ادعونى فى وقت الضيق انقذك فتمجدنى
ومفيش ضيقه اكتر من كده
ربنا يتمجد ويمد ايده لشعبه فى كل مكان

تحياتى مس فينوس

Ms Venus يقول...

رونى


امين ربنا يتمجد



هو اكيد شايفنا وحاسس بينا


ووعده قريب

غير معرف يقول...

(الى متى يا رب تنسانا)
لا طبعا مش صح لانى ربنا لا ينسا احد
دا مش صح اختى الحبيبه
لا اسلام ولا مسيحيه ولا يهوديه تقول ذلك
فالقران الكريم يقول
((بسم الله الرحمن الرحيم ادعونى استجب لكم صدق الله العظيم))
والانجيل يقول((ادعونى فى وقت الضيق انقذك فتمجدنى ))
فماينفعش تقولى كده يا رونى



(قرفت وخلاص مش عارفة اعمل اية اودى وشى منكوا فين مسلمة وحاسة ان على راسى بطحة بسبب الكلمة دى )
دى مش كلام مسلم لا طبعا مينفعش انك تقولى كده انتى ترفعى راسك لفوق
وتقولى مش بصوتك باخلاقق وبحبك وحب الناس ليكى
ماتخليش يأسك يخليكى تقولى كلام ممكن يهوى بكى الى عزاب الله العلى العظيم
انا مسلم وممكن لو حبيتى اديلك ارقام صحابى وصحباتى المسيحيين عشان هما اللى يحكولك عنى
القران الكريم قال فيما معنا
ولتجدن اقرب الناس حبا الذينا قالوا انا نصارى ولتجدنا اشد الناس عداوتا الذين قالو انا يهود
فلنعرف عدونا الحقيقى

ولنعرف من الذى يريد ان يشعل نار الفتنه بيننا
واما عن السؤال بتاع العقلين
فممكن ان تسألى البابا بتاع اى كنيسه عن الاتفاق الذى حدث فى بدايه الدوله الاسلاميه
فى عهد القائد صلاح الدين الايوبى فى الدول الاسلاميه ومنها مصر بالتأكيد
فكان من ضمن هذا الاتفاق ان يبقا كل من كان من اهل الكتاب على ارضه(ويشمل اليهودى والنصرانى)
وان تقوم الجيوش الاسلاميه بحمايتهم والضفاع عنهم نظير ان يدفع كل واحدا منهما الجزيا ومن لم يستطع فيدفعها عنه بيت المالويعفا منها النساء والشيوخ والاطفال (الخزانه العامه )
(والمسلم يدفع ما يسما بالزكاه)
وكان من بنودها ايضا

((((ركزى معايا شويا))))

ان تبقا المعابد والكنائس كما هى لا يبنا جديد منها ولا يرمم ما تهدم منها

ووافق اهل الكتاب على ذلك
ولا تنسى انكى فى ارض الدوله الاسلاميه
بنص الماده مادة(2): الاسلام دين الدولة، واللغة العربية لغتها الرسمية، ومبادئ الشريعة الاسلامية المصدر الرئيسى للتشريع.
ومعا ذلك تبناكناس وترمم كناس
وعندى امثله من سنه 2009
كنيسه فى شارع محمود عزمى فى الاسكندريه فى محطه الرمل وفى شارع الترعه المردومه فى غبريال المحروسه الجديده و فى محرم به



لكن احب ان اقول عزيزتى نحن دين طيب لا نحب العنف ولا الارهاب لا مع المسيحى ولا اليهودى ولكن

يقول الله عز وجل (من اعتدا عليكم فعتدو عليهم بمثل ما اعتدى عليكم)

هذا ديننا وهذه عقيدتنا الاسلاميه واريد ان تقرأى عن الاسلام حتى من اجل العلم بالشى والاحاطه وحتى لا تسيء لاحد دون علم

وقد امرنا الله حتى يكتمل ديننا ان نؤمن بموسى وعيسى (عليهما السلام ) قبل ان نؤمن بمحمد (عليه السلاه والسلام)
والحمد لله انا لا ابرر ولكن اوضح ويشهد الله انى هذا حق
وانا اسف لو ضيقتك او علقت من غير ما اكون بعرفك

امضاء
فاعل خير

Ms Venus يقول...

غير معرف


اولا اهلا بيك


ثانيا واضح ان حضرتك مش مذاكر التاريخ كويس

وغير كده كمان مش شايف الاحداث كويس


الوثيقة العمرية ياريت تقراها كويس جدا وتقراء بنودها


واقراها بضمير وانت تفهم ايه اللى حصل ومازال بيحصل الى الان




اركز معاك

سيادتك بتقول تفضل الكنائس زى ماهى وايه تانى بقى ؟؟

لا ترمم؟؟؟؟

مش هرد على لا ترمم دى

وبعدين حضرتك لو دارس القران كويس وعلم الناسخ والمنسوخ

كنت عرفت ان الاية اللى بتستشهد بيها دى اللى هى ولتجدن اقرب الناس حبا الذينا قالوا انا نصارى

دى منسوخة وكل ايات السلم نسختها سورة التوبة

اللى هى قاتلوا الذين لا يؤمنون بالله وباليوم الاخر الى اخر الاية


وهى دى اللى اتطبقت علينا فى مصر فى الغزوات الاسلامية


وبعدين ليه مصر دولة اسلامية ؟؟

وهو مصر مفيهاش غير مسلمين ؟؟


طب انا ذنبى ايه وانا مش مسلمة يتطبق عليا الشريعة الاسلامية ؟؟


سيادتك لو سافرت اى دولة اوروبية حقولك فيها زيك زى اهل بلدها


انا مسيحية ومش عاوزة يتطبق عليا الشريعة الاسلامية انا حرة ودى بلدى


ازاى تجبرنى على كده

ولو هى مسألة قوة ومسألة عدد


ليه بقى معترضين على اسرائيل فى فلسطين

ماهو من مبدء القوة والعدد والسيطرة انا هتكلم


ولو سألت حضرتك سؤال

هل ترضى لامريكا تعمل اللى عمله الاسلام زمان ودخل مصر هى كمان تدخل مصر وتفرض المسيحية عليك ؟؟؟

لا وتطبق عليك كل الشرائع المسيحية ؟؟


حكم ضميرك وبعدين اتكلم


وانا على فكرة مش بقلل من دين ولا بهاجم

انا كل اللى بطلبه انى اعيش بديانتى فى بلدى فى امان

واقدر ابنى كنيسة اصلى بيها بامان

مش بقرار جمهورى وكمان مش عاجب وبيحصل اللى حضرتك بتشوفه ده

وعلى فكرة ما خفى كان اعظم

واللى بيقولوه فى الاعلام كله كدب

ومش دى الحقائق


الحقيقة الوحيدة ان مصر فعلا فى كارثة

وربنا يرحمنا



بشكرك وكنت اتمنى تدخل ترد بأسمك على نتعرف عليك اكتر

واتمنى وجودك دايما

بعيدا عن اختلاف العقائد

احنا بشر

اخوات فى وطن واحد

عايشين سوا على نفس الارض


ياااااااريت نعمل للعشرة حساب


اهلا بيك